B50 göñülli birleşmesiniñ saytınıñ bu til versiyası, ukrain tamır halqlarından biri olğan Qırım halqına ürmet ve birdemlik köstermek içün tarafımızdan yaratıldı.
B50 kimlerdir?
B50, Rusiyeniñ Ukrainağa tecavuzı neticesinde zarar körgen cemaatta barışıq ayatını yañıdan yaratmağa ıntılğan göñülliler birleşmesidir.
Biz ne yapamız?
B50 Yañıdan quruv
Cenk neticelerini yoq etemiz ve yañıdan quramız. Göñülliler viraneliklerni alıp temizlemege ve binalarnı konservatsiya etmege yardım eteler, yanı evlerni quruv leyhalarını yerine ketireler.
Leyhalar
Temizleyik!
Cenk sebebinden evsiz qalğan qorantalarğa yardım ete. Göñülliler, viran etilgen şahsiy ve çoq daireli evlerni, içtimaiy boşluqlar obyektlerini temizleyler ve ilâhre…
Yañıdan quruv
Leyhanıñ maqsadı, bozulğan mesken ve içtimaiy boşluqlarnı tamir etmege yardım etmektir.
Leyhanıñ faaliyetiniñ prioritetli yönelişi, Sığınaqçıqlar leyhasınıñki kibi, tasil müessiseleriniñ sığınaqlarını abadanlaştıruvdır.
RUH
Viran etilgen ukrain evlerini kütleviy şekilde qurmağa başlatmaq içün añlı biznes ve lâqaytsız insanlarnı birleştire.
Deñev basamağında zarar körgen aile içün birinci evni qurucılıq işlerini yapa.
B50 Ösüv
İşğalden azat etilgen cemaatnıñ yetişkenlerni ögretüv ve balalarnıñ istidatlarını inkişaf ettirüv qabiliyetini arttıra. Bundan ğayrı, azat etilgen meskün yerlerge yardım etmege istegen faalciler ağını inkişaf ete.
Leyhalar
P.AGE
İşğalden azat etilgen balalarnıñ potentsialını yañıdan yarata. Cemiyetni keyfiyetli inkişaf ettirgen ukrain edebiyatınen temin ete. Kitaphanelerge ilimler, inkişaf, tarih, liderler, para, sanat, zenaatlar, ösüv aqqında kitaplarnı bere.
B50 Qayğıruv
Cenkniñ cemiyetke tesirini asğarlaştıra. Bizim göñüllilerimiz, zarar körgen ayvanlar aqqında qayğıralar, sığınaqlarnı abadanlaştırmağa yardım eteler ve il.
Leyhalar
Sığınaqçıqlar
Tasil müessiseleriniñ qaranlıq sığınaqlarını telükesiz, oñaytlı ve parlaq odalarğa çevire. Stressli devirlerde balalarnıñ bedeniy ve ruhiy-içtimaiy telükesizligi aqqında tüşüne.
Tüklü Bazarkünü
Cenkniñ dört pancalı dostlarğa tesirini asğarlaştırmaq içün ayvan sığınaqlarını destek ete. Gumanitar yardım, ayvanlarnı baquv ve olarnıñ bulunğanları yerlerniñ toprağını modernleştirüv işlerini teşkil ete.
Göñülliler ülkesi
Ukrainada cenk neticelerini yoq etmege yardım etmege populârlaştıra. İçtimaiy ağlar ve media leyhaları vastasınen lâqaytsız insanlarnı, yañıdan quruv ve tamir göñülliligine qatılmaqnıñ sebebini ayta.
Leyhalar
Ortaqlıq göñülliligi
Mobil ortaqlıq göñülliligini teşkil eterek, faal olğan ukrain biznesini yañıdan quruv ceryanına qatıla. Şirketlerniñ taqımları, viraneliklerni yoq etmege yardım eteler, qurucılıq ve tamir işlerini yapalar ve il.
«Toladan daa metinli» fotosergisi
Cemiyetniñ faaliyetiniñ birinci senesinde göñüllilerniñ cenk neticelerini yoq etüv tecribesini köstere. Farqlı bölgelerni yañıdan quruv göñülliligi areketiniñ peyda olmasınen tanıştıra: Lvivden Dniproğa, Odesadan Poltavağa.
#b50 qaramanlarnen intervyular
Bizim cemiyetimizniñ esas iştirakçilerinin ikâyeleri, ayat qıymetleri ve dünya baqışlarını yayınlay. Adiy ukrainalılarnıñ yardım misalleri vastasınen göñülliler aqqında stereotiplerni yoq ete ve işgalden azat eteilgen topraqlarnı yañıdan qurmaqnıñ sebebini ayta.
“Chronicles of the Unkown Superheroes Ukrainians” foto sergisi
Aftada beş kün devamında uquqçılar, dizayncılar, muasebeciler ve idareciler olaraq çalışqan adiy ukrainalılar aqqında köçken media leyhasıdır.
Olar, balistik raketalarınen ücümniñ hucur bir norma olğanı dünyada adiy tolu şekilde yaşamağa tırışalar, amma raatlıq künleri qaramanlar göñülliler olalar.
B50niñ missiyaları ve qıymetleri
Birleşmeniñ maqsadı, rusiyeniñ Ukrainağa tecavuzı neticesinde zarar körgen topraqlarnı yañıdan yaşatmaq, olarnıñ imkânlarını arttırmaq ve cenk neticelerini asğarlaştırmaqtır.
B50 faalcileri, bütün manalı «yañıdan quruv göñüllileri»dir. Olar, em viran etilgen evlerni temizleyler, em de ukrainalılarnıñ ruhiy potentsialını yañıdan yaratalar.
B50 tarihı
Rus ordusınıñ Ukrainağa tolu miqyaslı tecavuzınıñ ilk künlerinde bizim birleşmemiz teşkil etildi. Çünki tamam bu vaqıtlarda paytaht Toprmaq müdafaasının ştabı ögünde teşkilâtnıñ kelecek temel qoyucıları tanış oldılar. Ştabnıñ adresi gizli – B50 edi, tamam bundan bizim birleşmemizniñ adı kele.
B50 göñüllileri, azat etilgen İrpin, Buça, Hostomel, Vorzelni temizletüv ceryanına qatılğan birinci taqımlardan biri ediler. 2022 senesi çiçek ayından berli işğalden azat etilgen meskün yerlerniñ sakinlerine yardım etmek içün er afta biz toplanamız. Çoqusı allarsa Kıyiv vilâyetinde – Moşçun, Borodânka, Makariv, Ğorenka ve başqa meskün yerlerde ve bölgelerde göñüllilik yapamıq.
2022-2023 seneleri arasında birleşme, öz faaliyetini yañıdan tüşündi ve yardım saalarını kenişletti.
B50niñ teşkilât qurulışı ve esabatı
B50 birleşmesi, resmen qayd etilgen eki teşkilâtnıñ dostane işdeşligine esaslana – göñüllilerni qatıluv işini yapqan ve para ödemelerini idare etken «B50 Göñülliler» hayriye fondu ve ayrı leyhalarnı, programmalarnı yerine ketirgen «B50» içtimaiy teşkilât.
B50niñ saytında qayd vesiqaları, maliye ve leyha esabatı er vaqıt yayınlanalar.
B50 coğrafiyası
B50-ge nasıl qatılmaq mümkün?
Leyhalarnı yerine ketirmek içün bizim birleşmemizniñ er vaqıt faal insanlar ve para yardımına ihtiyacı bar. Bundan ğayrı, ambassador olaraq, B50 boşluğını ya da ortaqlıq göñülliligini yarataraq, B50ge qatılmaq mümkün.
Ukrainanı yañıdan quruv ceryanına qatılıñız!
Saytımıznıñ ukrain tili versiyasında göñülli seyaatlarğa nasıl qatılacağıñıznen bağlı malümat tapa bilirsiniz Qatılmaq
Saytımıznıñ ukrain tili versiyasında donatnen yardım ete bilirsiñiz.
Alâqa malümatımız
Telefon: +380506543230
Elektron poçta: contact@b50.com.ua
İçtimaiy ağlarımız
Çoqça malümat saytnıñ ukrain ya da ingliz versiyasında tapa bilirsiñiz.